“Ek het my eie professor Higgins gevind wat tevergeefs
maar baie wonderlik probeer om my te intellektualiseer!”
Minda Joubert: Jou feëverhale verveel my beslis nie
Ek is bly om dit te hoor, in intellektuele kringe word
feëverhale afgeskiet as “opium vir die massas” en daar
word neergekyk op gewilde TV-series; tog word die “opium”
naamlik dat drome waar word, daagliks geïllustreer deur
glansmense wat ongelooflik gewild en beroemd word
Hulle boeke en flieks verkoop soos soetkoek, dan kry die
intellektueles skuim om die mond van jaloesie en skry-
wers van negatiewe, bitterbek-literatuur huil lang trane
omdat niemand hulle diepsinnige goed wil koop en lees
nie, terwyl die onintellektuele gebabbel van
glansmense verslind word
Die intellektuele suurkouse sit die pot mis omdat hulle mense
wil DWING om “goeie” letterkunde te waardeer – terwyl dit
mens depressief en sinloos laat voel en mense van hul drome
en lewenskrag beroof - almal soek die sleutel tot sukses in
die boeke van “celebrities”
Die aaklige voorgeskrewe boeke op skool verseker dat meeste
mense ophou lees nog voordat hulle begin het – gelukkig is my
leeslus en liefde vir feëverhale so deur my ouers geprikkel dat
dit ‘n BA-graad met Engels, Duits en Frans plus Filosofie
Honneurs oorleef het
Ek het na my universiteitsdae alle intellektuele dwinglandy
afgesweer en lees nou net stof wat my vreugde verskaf –
hoe’s daai vir opstand teen intellektualiserende sinisme –
en ek het my eie professor Higgins gevind wat tevergeefs
maar baie wonderlik probeer om my te intellektualiseer!
Aangesien ek hom in Vadertjie Langbeen verander het
het ek nou die voordeel van ‘n opheffende invloed wat
my heidense tendense probeer tem terwyl ek my lewe
op papier uitsorteer - wat kan beter wees as dit?
Net om ‘n mens met ‘n werk in ‘n kantoor te wees met ‘n
man en twee pragtige kinders is al klaar die vervulling van
‘n feëverhaaldroom nadat ek Sita se “Loon van die Sonde”
as kind gelees het en amper van onsteltenis die
gees gegee het
Gelukkig het Die Slapende-Skoonheid-sprokie wat deur
Tryna du Toit genadiglik onder my aandag gebring is
in “Groen Koring” my van daardie skok genees!
Subscribe to:
Post Comments (Atom)
-
“This boy’s gonna make it” – ‘n heildronk op my ma, Annemarie: Dit gaan soms broekskeur om met familie klaar te kom want "Famil...
-
Found a perfect rendition of the Arabic alphabet on the Internet, trying to remember the letter KHa is pronounced with a guttural G... -
Looking for the good, ignoring the sad (anything we dislike), according to Abraham’s (Esther Hick’s) website: “You cannot look at what you ...
No comments:
Post a Comment