Die koue is so salig, sê sy toe eenmalig
want gou-gou vou haar moed in die kou
en wens sy toe weer vir warmer weer en
net effens hoër temperatuur
Om dan met liefdestralende oë na haar
kollegas te gluur net om daarna in die
verte te tuur wagtend op die huistoe-
gaanuur verlangend na die plesier
Om haar huis te versier met `n beeldjie-
figuur in silwer-wit en blou hoewel sy
weet haar man sal kla en sy sal sy
Jermiades moet verdra omdat hy
Haar beminde is en sy graag sing “Bly jy
by my, beminde-teer, dan blom in my die
somervreugde weer” - toe trek sy haar
ysblou trui aan en verander terstond
In die koue Sneeukoningin - en saggies
begin sy sing “doodgedoemde martelare”
omdat die melodie ‘n ligbaan bou en die
auras glansend vul en breinstrome hernu
Verbindings in magiese elektro-magnetiese
krag wat herinner aan die stringetjies binne
die hologramwerklikheid gevorm deur die
amplituhedron wat weer oorspring gee aan
Chronologiese tyd en ruimte as ordenings-
kategoriëe; koue is reg, dink sy weer wyl haar
hoofdirekteur vergader met verskeie kollegas
diep bedroef en swaar belade deur die sware
kritiek wat lei tot hewige polemiek oor die
voorgenome taalbeleid want die doeldatum
het reeds verstryk en steeds weet geen mens
wat die rëels is vir 11 amptelike tale – en
Slegs 5 is ingesluit blyk te wees in die nuwe
taalrigtingbeleid en nog nooit in hul lewe het
die Calvinistiese taalpraktisyn-integriteit met
so ‘n swak wetregtelike dokument gewerk nie
Die Departement het ‘n mijoen uitbetaal aan ‘n
misleidende WetFiskaal wat nie weet hoeveel
tale ons reeds bedryf nie en dus al die ander tale
behalwe die uitverkose 5 in die see in dryf
Mislei deur deurdagte skelms sonder morele
beginsels en vakkundige etiek, wat net leef vir
om te smul terwyl hul andere verkul, maar hulle
is onbewus van die vlinderkwantum wat
Die fyn noodlotsdrade spin waarin die kwaad-
doener homself verstrik en te laat wakker skrik
net om te besef ‘n bomenslike mag het die hef
in die hand en beskerm ons mooie land
En gee ons die moed om te veg vir die reg om al
11 amptelike tale te praat en skryf en te gebruik
Subscribe to:
Post Comments (Atom)
-
“This boy’s gonna make it” – ‘n heildronk op my ma, Annemarie: Dit gaan soms broekskeur om met familie klaar te kom want "Famil...
-
Found a perfect rendition of the Arabic alphabet on the Internet, trying to remember the letter KHa is pronounced with a guttural G... -
Looking for the good, ignoring the sad (anything we dislike), according to Abraham’s (Esther Hick’s) website: “You cannot look at what you ...
No comments:
Post a Comment