Welsalig Almal Wat U Huldig As Hul Heer - Psalm 1 - 5 -
Oom Kulubas het suiwer Afrikaans gepraat die fluisterende
Tant Miem het ‘n suiwer moederhart gehad Sondae het hul
saam kerk toe gegaan met basvioolstem het hy dit uitgesing:
‘n Sondige aardse tyd is ‘n wisselspel van onbestendigheid
soos kaf aan die stormwind prysgegewe, in nietigheid eindig
ons die lewe waar straf tot weervergelding keer terwyl God
ons gadeslaan en met sy lig ons lewenspad bestraal, maar
Sien die sondaarspad van hulle wat van hom weggedwaal
het – ‘n onkeerbare spoed lei oplaas ‘n afgrond tegemoet
waar die lug gloei met vlammende onweerslig & Hy donder
van omhoog en jaag sy Skrik hul in die aangesig, want Sy
Naam is grootmagtig en verhewe en bied ‘n vreugdelewe:
O Heer, wees my gedagtig en reddingskragtig waar ek by
skemerende berge sug terneergeboë, verhef u Vaderoë,
sien op my neer in mededoë, red my van mense deur hul
Skyngeluk verhewe terwyl hul lustig lewe en fees hou in
kortstondigheid – ek is ‘n verdwaasde sterweling en hul
tot u heerskappy; welsalig almal wat U huldig as hul Heer
[Words literally from Afrikaans Psalm book 1976 - Psalms 1 - 5]
No comments:
Post a Comment